Неўзабаве - мастацкі фільм пра Анну Герман

Першая праграма Польскага тэлебачаньня пакажа мастацкі сэрыял пра вядомую сьпявачку Анну Герман. Рэжысёрам 10-сэрыйнага фільма зьяўляецца Вальдэмар Кшыстэк. Ён сказаў Польскаму радыё, што рашэньне зьняць біяграфічны сэрыял было прянятае таму, што Анна Герман – гэта ня толькі польская сьпявачка, яна выконвала рэпэртуар на розных мовах і ў свой час была вядомая амаль ва ўсёй Эўропе, напрыклад, Нямеччыне, Італіі, Савецкім Саюзе. Вальдэмар Кшыстэк нагадаў, што толькі ў Савецкім Саюзе выйшла 11 альбомаў артысткі.
Ролю зоркі сцэны выканала Яанна Мора (Joanna Moro). У сэрыяле “Анна Герман” выступілі таксама расейскія акторы, у прыватнасьці, Марыя Парошына ды Марат Башараў. Першая сэрыя будзе паказана на Першым канале Польскага тэлебачаньня 22 лютага.

вс