Польшча будзе мець прадстаўніка ў Эўрапейскім судзе

Польшча будзе мець свайго прадстаўніка ў Эўрапейскім судзе ў Люксэмбургу. Як неафіцыйна даведаліся журналісты грамадзкага Польскага радыё, кандыдатура прафэсара Мацея Шпунара была зацьверджана на пасаду генэральнага абаронцы Эўрапейскага суда. Гэта для Польшчы вялікі прэстыж і рэальная магчымасьць уплываць на судовую практыку ЭЗ.

Рашэньне па гэтай справе прынялі амбасадары дзяржаў-чальцоў супольнасьці. Раней Мацей Шпунар пасьпяхова прайшоў адмысловае слуханьне перад камісіяй у Брусэлі.

Такім чынам былы намесьнік міністра замежных спраў Польшчы далучыць да групы найважнейшых прадстаўнікоў Эўрапейскага суда, а краіна апынецца ў невялікай групе шасьці іншых дзяржаваў ЭЗ, якія маюць там свайго пастаяннага абаронцу.

Пасада абаронцы зьяўляецца адной з ключавых. Гэта менавіта ён прапануе судовыя пастановы ў выпадках парушэньня заканадаўства ЭЗ чальцоўскімі краінамі.

аз