Польскія жаўнеры едуць у Косава
PR dla Zagranicy
Jury Lichtarowicz
14.11.2014 14:47
Паўгода 243 жаўнеры будуць даглядаць за парадкам на Балканах.
Сёньня ў Кашаліне адбылася працэдура разьвітаньня жаўнераў з сем’ямі ды адпраўкі іх на новае месца службы.
Польскія жаўнеры едуць на Балканы ў рамках 31 зьмены міратворчай місіі ў Косаве. Польскі кантынгент складаецца з жаўнераў з розных часьцяў з усяго Заходнепаморскага ваяводзтва.Так ,118 зь іх служаць у кашалінскім супрацьпаветраным палку. Да місіі яны пачалі рыхтавацца ў сакавіку. У рамках падрыхтоўкі жаўнеры прайшлі трэнінгі ў Кельцах, Слупску ды Устцы.
У Косаве іх чакае служба ў стабілізацыйнай місіі, задача якой палягае на ўтрыманьні парадку. У першую чаргу ідзецца пра суправаджэньне ды ахову гуманітарных канвояў, памежных пераходаў, ахова высокапастаўленых палітыкаў і супрацоўніцтва зь мясцовай паліцыяй.
юл