Лепш прадухіляць чым лячыць
PR dla Zagranicy
Jolanta Śmiałowska
08.07.2015 16:15
Міністэрства аховы здароўя рыхтуе маштабную акцыю па прасоўваньні здаровага ладу жыцьця.
www.zdrowe-odzywianie.blog.onet.pl
Больш выгадна прадухіляць, чым лячыць. Міністэрства аховы здароўя Польшчы вырашыла зьвярнуць большую ўвагу на прафіляктыку й санітарную асьвету. У гэтым павінен дапамагчы ўрадавы законапраект пра здароўе нацыі.
Асноўныя задачы - гэта барацьба супраць атлусьценьня, супраць залежнасьцяў, ня толькі ад наркотыкаў, цыгарэт, алькаголю, але таксама ад спайсаў, ахова псыхічнага здароўя й догляд ды падтрымка пажылых людзей.
Міністэрства аховы здароўя намерваецца ўвесьці ў школах урокі пра здароўе й правільнае харчаваньне.
У дзеяньне на карысьць аховы здароўя будуць задзейнічаны ўсе міністры. Кіраўнік Міністэрства аховы здароўя будзе каардынаваць кампанію. На гэтую мэту будзе выдаткавана 140 млн злотых. Цяпер законапраект павінен адобрыць парлямэнт.
яс