Парашэнка: Польшча – прыклад для Ўкраіны
PR dla Zagranicy
Anna Zadrożna
11.11.2015 14:33
З нагоды Дня Незалежнасьці прэзыдэнт Украіны пажадаў палякам міру й дабрабыту.
flickr.com/Global Panorama
„Польшча – гэта для Ўкраіны прыклад па барацьбе за незалежнасьць”, - напісаў Пётр Парашэнка ў лісьце да прэзыдэнта Анджэя Дуды. Кіраўнік Украіны павіншаваў палякаў з Днём Незалежнасьці.
Пётр Парашэнка падкрэсьліў, што гераічныя намаганьні палякаў вярнуць свабоду й незалежнасьць зьяўляюцца прыкладам для ўсяго дэмакратычнага сьвету.
Ён дадаў, што для Ўкраіны ў апошні час прыклад Польшчы мае асаблівае значэньне.
Украінскі прэзыдэнт адзначыў, што дзякуючы стойкасьці духу й напружанай працы палякі ня толькі выйгралі сваю дзяржаўнасьць, але й сталі ўзорам посьпеху й разьвіцьця ў аб'яднанай Эўропе.
Пётр Парашэнка высока ацаніў салідарнасьць і падтрымку, якую Польшча аказвае Ўкраіне ў барацьбе за сувэрэнітэт і тэрытарыяльную цэласнасьць. Украінскі прэзыдэнт таксама зьвярнуў увагу на польскую дапамогу па рэфармаваньні Ўкраіны.
З нагоды Дня Незалежнасьці Пётр Парашэнка пажадаў палякам міру й дабрабыту.
аз