Палітоляг: кааліцыя Расеі з краінамі Захаду – пытаньне часу

Антытэрарыстычная кааліцыя Расеі з краінамі Захаду – гэта толькі пытаньне часу. Такое меркаваньне выказаў вядомы расейскі палітоляг Максім Юсін, паведамляе з Масквы карэспандэнт Польскага радыё. Краіны НАТО, у тым ліку Польшча, не павінны баяцца Расеі, лічыць спэцыяліст. Паводле Юсіна, тэрарыстаў з гэтак званай «Ісламскай дзяржавы» ўдасца перамагчы толькі разам. Пры гэтым джыхадыстаў ён называе «абсалютным злом». «Можна Расею ненавідзіць, але мы ня палім людзей ужывую й не абезгалаўліваем перад камэрамі», – зазначыў Максім Юсін. Пры гэтым палітоляг сказаў, што ў гісторыі вядомыя кааліцыі, якія ствараліся, нягледзячы на погляды, сымпатыі й антыпатыі. У якасьці прыкладу Юсін прывёў антыгітлераўскую кааліцыю паміж сталінскім Савецкім Саюзам і заходнімі краінамі.

вс