Logo Polskiego Radia
Print

Ці сьледчыя трапілі на сьлед ахвяраў Аўгустоўскай аблавы?

PR dla Zagranicy
Anna Zadrożna 23.05.2016 14:58
Адказ на гэта дадуць спэцыялістычныя аналізы астанкаў, знойдзеных у Аўгустоўскай пушчы.
Photo: Alan Cleaver/Global Panorama/flickr.com/Commercial use allowed

У Аўгустоўскай пушчы, непадалёк дарогі Рыгаль (поль. Rygol) – Гібы (поль. Giby), супрацоўнікі Інстытута нацыянальнай памяці зь Беластоку знайшлі чалавечыя астанкі. Толькі спэцыялістычныя аналізы дадуць адказ на пытаньне, ці гэта парэшткі адной з ахвяраў Аўгустоўскай аблавы.

Супрацоўнікі Інстытута нацыянальнай памяці знайшлі пры астанках гузік ад польскага мундзіру з 1936 году і, верагодна, частку супрацьгаза. Акрамя таго, антраполяг знайшоў у шыі мужчыны фрагмэнты кулі.

Прэс-сакратар Беластоцкага аддзелу Інстытуту нацыянальнай памяці Томаш Данілецкі (поль. Tomasz Danilecki) паведаміў, што будзе праведзенае падрабязнае ўскрыцьцё астанкаў і ўзятая проба дзеля дасьледаваньня ДНК.

Аўгустоўская аблава была адным з самых буйных злачынстваў, зьдзейсьненых савецкай уладай супраць палякаў пасьля Другой сусьветнай вайны.

Мяркуецца, што ў ліпені 1945 году былі забітыя каля 600 чалавек. Месца іх пахаваньня па сёньняшні дзень невядомае.

аз

Print
Copyright © Polskie Radio S.A Пра нас Кантакт