Польскія парлямэнтары прыехалі ў Беларусь (ФОТА)

Парлямэнцкая дэлегацыя Польшчы на чале зь віцэ-сьпікерам Сэйма Рышардам Тарлецкім 2-4 жніўня наведвае Беларусь.

Як паведамілі БелаПАН у пасольстве Польшчы, сёньня дэлегацыя сустрэлася са старшынём Палаты прадстаўнікоў Уладзімірам Андрэйчанкам і старшынём Савета Рэспублікі Міхаілам Мясьніковічам.

На 3 жніўня заплянаваныя сустрэчы з намесьнікам міністра замежных спраў Аленай Купчыной і мітрапалітам Менска-Магілёўскім арцыбіскупам Тадэвушам Кандрусевічам, а таксама наведваньне Курапатаў.

4 жніўня пройдуць сустрэчы зь мясцовымі ўладамі й польскай суполкай Баранавічаў, а ў Берасьці дэлегацыя сустрэнецца з польскімі бізнэсмэнамі, якія інвэстуюць у Беларусь.

вс

фота: пасольства Польшчы ў Беларусі