Ямал: у аварыі верталёта загінулі 19 чалавек

19 чалавек загінулі ў выніку аварыі верталёта Мі-8 на расейскай паўвысьпе Ямал. Паводле агенцтва ТАСС, 3 чалавекі ў цяжкім стане былі дастаўлены ў бальніцу. Трагедыя адбылася ўчора позна ўвечары.

На борце машыны, якая належыць авіякампаніі „Сокал”, знаходзіліся 19 пасажыраў і 3 члены экіпажа.

Выратавальнікі прыбылі на месца аварыі толькі пасьля некалькі гадзінаў ад здарэньня. Паводле Міністэрства па надзвычайных сытуацыях, у раёне трагедыі былі вельмі складаныя ўмовы надвор'я.

Агенцтва ТАСС паведамляе, што верталёт перавозіў нафтавікоў з Ванкору ў Новы Ўрэнгой.

Прычыны трагедыі будуць высьвятляць экспэрты Міждзяржаўнага авіяцыйнага камітэта й пракуроры Сьледчага камітэта.

аз