Прэзыдэнта Анджэя Дуду прыняў кароль Швэцыі Карл XVI Густаў (ФОТА)
PR dla Zagranicy
Valery Sauko
01.12.2016 11:22
На сустрэчы прысутнічалі каралева Сільвія, Агата Корнхаўзэр-Дуда, кронпрынцэса Вікторыя з мужам.
Прэзыдэнт Польшчы Анджэй Дуда быў прыняты каралём Швэцыі Карлам XVI Густавам. На сустрэчы прысутнічалі каралева Сільвія, Агата Карнхаўзэр-Дуда, а таксама кронпрынцэса Вікторыя з мужам, прынцам Даніэлям.
Асноўнымі тэмамі сустрэчы манарха й прэзыдэнта было супрацоўніцтва Польшчы й Швэцыі ў сфэры аховы навакольнага асяродзьдзя, а таксама ў галіне новых тэхналёгій.
Карл XVI Густаў прыняў польскага прэзыдэнта ў рамках яго візыту ў Стакгольм. Анджэй Дуда таксама сустрэўся з прэмʼер-міністрам Швэцыі Стэфанам Лёвенам.
вс
фота: PAP/Jacek Turczyk
Зьлева направа: каралева Сільвія, Агата Корнхаўзэр-Дуда, прэзыдэнт Анджэй Дуда, кароль Карл XVI Густаў, кронпрынцэса Вікторыя, прынц Даніэль