У Палявой катэдры ВП усталявалі дошку ў гонар нязломных сьвятароў
PR dla Zagranicy
Anna Zadrożna
03.12.2016 20:29
У цырымоніі прыняў удзел міністар нацыянальнай абароны Антоні Мацярэвіч.
PAP/Leszek Szymański
Міністар нацыянальнай абароны Антоні Мацярэвіч (Antoni Macierewicz) адкрыў у Палявой катэдры Войска Польскага памятную дошку, прысьвечаную „нязломным сьвятаром”. Як падчас урачыстасьці падкрэсьліў палявы біскуп генэрал брыгады Юзэф Гуздэк (Józef Guzdek), гэтыя сьвятары заплацілі самую высокую цану абвяшчаючы Эвангельле й папярэджваючы вернікаў перад зманлівай камуністычнай ідэалёгіяй.
У цырымоніі прыняла ўдзел група сьвятароў, якія ў 1959-1980 гадах былі вымушаныя адбыць прымусовую ваенную службу падчас вучобы ў сэмінары. Яны атрымалі ад міністра абароны патэнты на афіцэраў.
На памятнай дошцы было зьмешчанае таксама імя блаславёнага ксяндза Ежы Папялушкі, які быў забіты службай бясьпекі ПНР у 1984 годзе.
Зьвяртаючыся да прысутных на цырымоніі сьвятароў міністар нацыянальнай абароны нагадаў, што гэта іх ахвяра, рашучасьць і вера далі палякам сілу адбудаваць Айчыну, дзяржаву й армію.
аз