Польскі Кракаў прыме на лячэньне дзяцей з Алепа

Кракаў стаў першым польскім горадам, які прыме на лячэньне й рэабілітацыю сырыйскіх дзяцей з Алепа. Арганізацыйныя пытаньні, датычныя прыезду пецярых дзетак у Кракаў, вырашае Польская мэдыцынская місія.

Паводле лекараў, у малых сырыйцаў сур’ёзныя праблемы са здароўем: у іх шматлікія раненьні, атрыманыя ў выніку выбуху снарадаў й падзеньня абломкаў разрушаных дамоў.

На лячэньне дзяцей з Сырыі ўлады Кракава прызначаць 100 тыс. злотых (каля 23 тыс. эўра). Магчымы рост коштаў лячэньня будзе выдаткаваны з гарадзкога бюджэту.

вс