ЭЗ: дадатковыя сродкі на барацьбу з прапагандай Крамля

Эўразьвяз узмацняе барацьбу з расейскай прапагандай, паколькі асьцерагаецца, што Масква можа паўплываць на выбары, якія сёлета адбудуцца ў Эўропе. Гаворка ідзе пра парлямэнцкія выбары ў Нідэрляндах і ў Нямеччыне, а таксама прэзыдэнцкія выбары ў Францыі.

Паводле высокапастаўленага чыноўніка ЭЗ, на працягу доўгага часу, гэта Ўкраіна была мэтай атакаў нанятых Крамлём людзей, якія распаўсюджвалі ілжывы вобраз краіны, напрыклад, у сацыяльных сетках. Цяпер іх увага засяроджваецца, напрыклад, на канцлерцы Нямеччыны.

З восені 2015 году барацьбой з расейскай прапагандай у Брусэлі займаецца спэцыяльная 11-асабовая група экспэртаў. На сваю дзейнасьць цягам бліжэйшых шасьці месяцаў, яна атрымала дадатковыя 800 тысяч эўра зь бюджэту дыпляматычнага корпусу ЭЗ.

Дадатковыя сродкі дазволяць працаўладкаваць больш людзей. Верагодна, у канцы году спэцгрупа зможа разьлічваць на чарговыя грошы.

Аднак, паводле камэнтатараў, усіх гэтых сродкаў нельга параўнаць зь мільярдамі, якія Крэмль цягам апошніх гадоў выдзяляе нa сваю прапагандысцкую машыну.

аз