У Летуве забаранілі біць дзяцей
PR dla Zagranicy
Anna Zadrożna
15.02.2017 16:26
Гэтага запатрабавалі грамадзяне пасьля таго, як на мінулым месяцы маці зьбіла 4-гадовае дзіця да сьмерці.
Photo: pixabay.com
У Летуве ўвялі поўную забарону на цялесныя пакараньні дзяцей. Зьмену правілаў падтрымалі 116 з усіх 146 дэпутатаў Сэйму Летувы.
Невялікая колькасьць праціўнікаў забароны пераконвала, што новы закон ўмешваецца ў прыватнае жыцьцё грамадзянаў.
Увядзеньня поўнай забароны на цялесныя пакараньні дзяцей патрабавалі летувіскія грамадзяне пасьля таго, як на мінулым месяцы маці й яе партнэр зьбілі да сьмерці 4-гадовага хлопчыка. Сьледчыя паведамілі, што апекуны незадоўга да сьмерці дзіцяці былі пад узьдзеяньнем амфэтаміна.
Новыя правілы з задавальненьнем віталі праваабарончыя арганізацыі й прадстаўнікі Рады Эўропы.
Летува зьяўляецца 52 краінай у сьвеце, якая ўвяла забарону на цялесныя пакараньні дзяцей.
аз