Украіна: дзень нацыянальнай жалобы пасьля катастрофы ў шахце
PR dla Zagranicy
Anna Zadrożna
03.03.2017 11:41
Прэм'ер Уладзімір Гройсман заявіў аб плянаваных інспэкцыях на ўкраінскіх шахтах.
Photo: pixabay.com/CC0
Ва Ўкраіне працягваецца дзень нацыянальнай жалобы, агучаны пасьля ўчарашняга выбуху ў шахце „Стэпова” на Львоўшчыне. У выніку катастрофы загінулі восем шахцёраў і 14 былі раненыя.
Пацярпелыя шахцёры шпіталізаваныя ў спэцыялізаваным шпіталі ў Львове. Лекары гарантуюць, што іх жыцьцю не пагражае небясьпека.
У сувязі з катастрофай у адпаведнасьці з пастановай прэзыдэнта Пятра Парашэнкі, сьцягі на дзяржаўных будынках былі прыспушчаныя да паловы. У краіне былі адмененыя канцэрты й забаўляльныя мерапрыемствы. Прэм'ер-міністар Уладзімір Гройсман заявіў аб плянаваных інспэкцыях на ўкраінскіх шахтах на прадмет захаваньня нормаў бясьпекі.
аз