Украінцы выкрылі рэзыдэнтурна-дывэрсыйную сетку спэцслужбаў РФ
PR dla Zagranicy
Alena Vialichka
22.03.2017 14:17
Яна была сфармаваная пад кіраўніцтвам галоўнага разьведвальнага ўпраўленьня Генштаба Ўзброеных сіл РФ.
фота: скрыншот з відэа з затрыманьня.
Служба бясьпекі Ўкраіны выкрыла рэзыдэнтурна-дывэрсыйную сетку спэцслужбаў РФ, якая дзейнічала на поўдні Ўкраіны і ў раёне правядзеньня антытэрарыстычнай апэрацыі. Пра гэта гаворыцца на сайце службы.
Адзначаецца, што сетка была сфармаваная пад кіраўніцтвам і каардынацыяй галоўнага разьведвальнага ўпраўленьня Генштаба Ўзброеных сіл РФ.
Першай задачай рэзыдэнтаў было стварэньне на найбольш важных абʼектах інфраструктуры і вайсковых частках паўднёвага рэгіёну сваёй агентуры. Кіраўніком і каардынатарам сеткі расейскія спэцслужбы прызначылі свайго даўняга агента – удзельніка трагічных падзей на Куліковым полі ў Адэсе.
Усе чальцы рэзыдэнтуры прытрымліваліся прарасейскіх поглядаў, падтрымлівалі стварэньне так званай «Адэскай рэспублікі», некаторыя з іх прымалі ўдзел у падзеях на Куліковым полі. Ім былі пастаўлены задачы: капіраваць службовыя дакумэнты, візуальна назіраць за вайсковымі абʼектамі, прадстаўляць фота- і відэаінфармацыю аб перамяшчэньні асабістага складу і тэхнікі ВСУ.
Яны зьбіралі дадзеныя на поўдні Ўкраіны, але Службай бясьпекі зафіксаваныя факты «работы» аднаго з удзельнікаў сеткі – дзеючага ваеннага падчас паездкі ў раён правядзеньня антытэрарыстычнай апэрацыі.
hromadskeradio.org/ав