Малдова выдаліла пецярых расейскіх дыпляматаў

Улады Малдовы выдалі са сваёй тэрыторыі пецярых расейскіх дыпляматаў. Сярод пэрсонаў нон-грата знаходзіцца намесьнік расейскага вайсковага аташэ. Урад абвінаваціў яго ў шпіянажы. Дыплямат спрабаваў атрымаць тайную інфармацыю ад аднаго з былых малдаўскіх парлямэнтароў.

Інфармагенцтва Interfax паведаміла, што з Малдовы быў выдалены намесьнік вайсковага аташэ Расеі Аляксандар Грудзін. У сакавіку гэтага году кіраўнік Службы бясьпекі Малдовы публічна абвінаваціў дыплямата ў спробе завэрбаваць былога дэпутата парлямэнта Малдовы Юрыя Бальбачану. Экс-дэпутата арыштавалі 17 сакавіка й абвінавацілі ў дзяржаўнай здрадзе. Яму пагражае да 20 гадоў турмы.

Гэта ўжо другі выпадак выдаленьня расейскіх дыпляматаў на працягу апошніх дзён. У пятніцу дваіх расейскіх консулаў аб’явілі пэрсонамі нон-грата ў Эстоніі.

IAR/ап