У Варшаве адчыняецца Big Book Festival
PR dla Zagranicy
Alaksandar Papko
23.06.2017 13:23
На кніжны фэстываль прыедуць сусьветна вядомыя пісьменьнікі з трох кантынэнтаў.
Ілюстрацыя: скрыншот з сайту фэстывалю bigbookfestival.plbigbookfestival.pl
У пятніцу ў Варшаве адчыняецца пяты міжнародны кніжны фэстываль Big Book Festival. У яго праграме – больш за 50 мерапрыемстваў, у тым ліку сустрэча з аўтарамі з Польшчы й замежжа, дыскусіі пісьменьнікаў і спэктаклі. Фэстываль працягнецца да нядзелі.
Дэвіз сёлетняга фэстывалю – «Вяртаньне да пачаткаў». Арганізатары фэстывалю хочуць, каб яго госьці вярнуліся ў думках да школьных гадоў і прыгадалі свае дзіцячыя кнігі, якія адкрылі ім дарогу да літаратуры.
У гэтым годзе ў Варшаву прыедуць пісьменьнікі з трох кантынэнтаў. Сярод іх Карукі Сакураба зь Японіі, Вільгельм Шмід зь Нямеччыны, Чарльз Кінг з ЗША, Сайман Бэкет з Вялікабрытаніі, Віктар Ерафееў з Расеі.
Арганізатары фэстывалю паспрабуюць пабіць сусьветны рэкорд калектыўнага чытаньня клясычнага твору сусьветнай літаратуры «Гонар і перадузятасьць» аўтарства Джэйн Осьцін.
Арганізатарам Big Book Festival зьяўляецца фонд з красамоўнай назвай «Культура – гэта не балюча» (Kultura nie boli).
IAR/ап