Польшча чакае Дональда Трампа зь візытам
PR dla Zagranicy
Valery Sauko
03.07.2017 14:08
«Мы пастараемся пераканаць прэзыдэнта Трампа, каб амэрыканскія войскі прысутнічалі на тэрыторыі Польшчы як мага найдаўжэй».
PAP/EPA/OLIVIER DOULIERY/POOL
Прысутнасьць амэрыканскіх жаўнераў у Польшчы, эканамічная й энэргетычная бясьпека – гэта асноўныя тэмы, якія будуць закранацца падчас візыту прэзыдэнта ЗША Дональда Трампа ў Польшчу. Пра гэта ў інтэрвію рэгіянальнаму Польскаму радыё «Лодзь» сказаў міністар замежных справаў Польшчы Вітальд Вашчыкоўскі.
«Мы пастараемся пераканаць прэзыдэнта Трампа, каб амэрыканскія войскі прысутнічалі на тэрыторыі Польшчы як мага найдаўжэй», – сказаў Вашчыкоўскі. Ён дадаў, што Польшча мадэрнізуе сваю армію, і Варшава зацікаўленая ў пакупцы амэрыканскай тэхнікі і ўзбраеньня. Гэтая тэма, паводле кіраўніка МЗС Польшчы, таксама будзе закранутая падчас візыта Трампа.
Дональд Трамп прыбывае ў Польшчу 5 ліпеня.