Бэата Шыдла прымае ўдзел у сустрэчы Вышаградзкай групы
PR dla Zagranicy
Valery Sauko
04.07.2017 15:09
У сустрэчы ўдзел таксама прымае прэзыдэнт Эгіпту Абдэль Фатах Ас-Сісі.
PAP/EPA/Szilard Koszticsak
Прэм'ер-міністар Польшчы Бэата Шыдла знаходзіцца ў Будапэшце, дзе праходзіць сустрэча кіраўнікоў урадаў краін Вышаградзкай групы. Як паведамлялася, з 1 ліпеня Вугоршчына пасьля Польшчы ўзначаліла працы ў групе на год.
Нагадаем, Вышаградзкая група аб’ядноўвае Польшчу, Чэхію, Славакію й Вугоршчыну. У сустрэчы ўдзел таксама прымае прэзыдэнт Эгіпту Абдэль Фатах Ас-Сісі.
Гэта першая сустрэча краін групы, якую арганізоўвае Вугоршчына. Удзельнікі перамоў абмяркуюць тэмы, зьвязаныя зь бясьпекай, у прыватнасьці, барацьбой з тэрарызмам і нелегальнай міграцыяй.
Падчас сустрэчы таксама будуць закрануты адносіны Эўразьвязу з Эгіптам і пытаньні рэгіянальнай бясьпекі.
Два тыдні таму ў Варшаве падчас сымбалічнай перадачы старшынства ў Вышаградзкай групе прэм'еру Вугоршчыны Віктару Орбану кіраўнік ураду Польшчы Бэата Шыдла адзначыла, што апошні год быў годам інтэнсіўнай працы.
вс