Навальніцы ў Польшчы: ёсьць чалавечыя ахвяры

Жорсткія навальніцы пракаціліся па тэрыторыі Польшчы ўвечары ў пятніцу і ў суботу. Ад стыхіі загінулі пяць чалавек. Самая цяжкая сытуацыя склалася на поўначы краіны – у Паморскім ваяводзтве. Усе сьмяротныя выпадкі здарыліся менавіта там. Двое з загінулых – падлеткі. Дзяўчынкі з горада Лодзь, якія адпачывалі ў скаўцкім лягеры, загінулі з-за зламанага віхрам дрэва, якое ўпала на іх намёт.

Камэндант польскай пажарнай службы Лешак Сускі паведаміў, што ратаўнікі выяжджалі на ліквідацыю наступстваў стыхіі 10 тысячаў разоў. У ратавальных акцыях прымалі ўдзел 28 тысячаў пажарных і 4 тысячы машынаў.

Ліквідацыю наступстваў буры ўзялі пад кантроль прэм’ер і міністар унутраных справаў Польшчы.

IAR/ап