Гігант Google купіў беларускую IT-кампанію

Амэрыканская кампанія Google Inc набыла маладую беларускую кампанію AIMatter, якая займаецца разьвіцьцём штучнага інтэлекту. Гэта першая пакупка сусьветнавядомай заходняй фірмай беларускай IT-кампаніі, паведамляе партал TUT.BY

Кампанія AIMatter была заснаваная ў Менску ўсяго каля году назад праграмістамі Юрыем Мяльнічакам і Юрыем Гурскім. За гэты час яна распрацавала ўнікальную тэхналёгію рэдагаваньня відэа пры дапамозе штучнага інтэлекту, выпусьціла некалькі мабільных аплікацыяў і далучылася да вядучай IT-кампаніі сьвету. У AIMatter працуюць выключна беларускія праграмісты, а інтэлектуальны прадукт, які яны ствараюць, застаецца ва ўласнасьці беларускай фірмы.

Кампанія распрацавала тэхналёгію, якая дазваляе рэдагаваць відэа ў рэальным часе пра дапамозе штучнага інтэлекту. Самым вядомым прадуктам кампаніі стала аплікацыя Fabby Look, якая можа зьмяняць колер валасоў чалавека альбо зьмяняць фон відэатрансьляцыі і працуе наўпрост з мабільнага тэлефона.

Сума, за якую Google набыў беларускі стартап, не разгалошваецца. Ўладальнікі AIMatter заяўляюць толькі, што яны «вельмі задаволеныя ўмовамі зьдзелкі».

tut.by/ап