Качыньскі і Дуда вырашаюць разыходжаньні па рэфармаваньні судовай сыстэмы

Гэта ўжо трэцяя сустрэча Прэзыдэнта РП і старшыні кіруючай партыі ў Польшчы, тэма якой рэформа судовай сыстэмы ў Польшчы.

Палітыкі сустрэліся ў прэзыдэнцкай рэзыдэнцыі Бэльвэдэр у Варшаве.

- Гэтая сустрэча зьяўляецца звычайнай працэдурай па вызначэньні рэформы дзяржавы паміж прэзыдэнтам і парлямэнцкай большасьцю, сказаў кіраўнік кабінэту Прэзыдэнта Кшыштаф Шчэрскі. Ён дадаў таксама, што прэзыдэнт чакае на прапановы Яраслава Качыньскага.

Прэзыдэнт Анджэй Дуда не падпісаў усіх законапраектаў аб рэфармаваньні судовай сыстэмы ў Польшчы і падрыхтаваў свае прапановы. Яраслаў Качыньскі імкнецца прасунуць законапраекты падрыхтаваныя Сэймам.

яс