«Польскія афіцэры згадвалі беларусаў як сапраўдных герояў»

Вядомы беларускі гісторык, кандыдат гістарычных навук Ігар Мельнікаў працуе над новай кнігай. Яна выйдзе на польскай мове ў сэрыі «Вялікая кніга польскай пяхоты».

У выданьні дасьледчык распавядзе гісторыю 20-й пяхотнай дывізіі Войска Польскага, якую называлі беларускай. Штаб дывізіі знаходзіўся ў Баранавічах, а яе часьці – у розных гарадах рэгіёну. У кнізе будзе таксама прадстаўленая постаць камандзіра 79-га палка слонімскіх стралкоў імя Льва Сапегі палкоўніка Канстанціна Забароўскага, які, дарэчы, да гэтага быў вайсковым аташэ ў Маскве.

Часьць гераічна змагалася пад Млавай у 1939 годзе зь гітлераўцамі, за што немцы яе назвалі «жалезнай дывізіяй». «А польскія афіцэры згадвалі беларусаў як сапраўдных герояў», – кажа гісторык.

Зь Ігарам Мельнікавым пра яго апошні праект размаўляе Валеры Саўко.

інтэрвію зь гісторыкам - слухайце далучаны гукавы файл

здымак мае ілюстрацыйны характар