Помніку Адаму Міцкевічу ў Менску намалявалі сьлёзы

Помнік Адаму Міцкевічу ў цэнтры Менску нехта размаляваў. Як мінімум з панядзелка на твары скульптуры намаляваныя блакітныя сьляды, нібы сьлёзы. Фотаздымак апублікаваны ў адным з акаўнтаў у «Фэйсбуку».

Помнік польскаму клясыку, народжанаму ў Беларусі, зьявіўся ў 2003 годзе з ініцыятывы польскай дыяспары на вуліцы Гарадзкі Вал у цэнтры сталіцы. За паўквартала ад яго разьмяшчаецца Міністэрства ўнутраных спраў.

Жыхарка Менска Ванда Галубоўская, якая абнародавала фота помніка, кажа, што ўжо папрасіла гарадзкія ўлады прывесьці скульптуру ў нармальны стан.

эўрарадыё/вс