Кітайскія дзеці чытаюць кніжкі Мізеліньскіх

Больш за мільён кніжак аўтарства Аляксандры і Даньэля Мізеліньскіх трапіла да кітайскіх чытачоў. Гэта самы вялікі выдавецкі посьпех на няпростым кітайскім рынку.

Вядомыя ва ўсім сьвеце кніжкі Мізеліньскіх тлумачаць дзецям навакольны сьвет. Адна з найбольш вядомых кніжак пары польскіх графікаў называецца „Мапы”. Кніжкі знаёмяць кітайскіх дзяцей таксама з Польшчай.

Даньэль Мізеліньскі кажа, што посьпех стаў для іх нечаканасьцю і дадае, што гэта заслуга выдавецтва „Дзьве сёстры”.

Сустрэчы з чытачамі ў Кітаі зладзіў Інстытут Польскі ў Пэкіне. Раней аўтары сустракаліся з дзецьмі у Шанхаі і Ханчжоу.

яс