У выніку атакі зімы ў Польшчы 300 тысяч дамоў засталіся без електраэнэргіі
PR dla Zagranicy
Jolanta Śmiałowska
01.12.2017 09:30
Інстытут мэтэаралёгіі і кіраваньня воднымі рэсурсамі папярэджвае пра складаныя дарожныя ўмовы ў дзесяці ваяводзтвах.
www.pixabay.com
Паведаміў аб гэтым Урадавы цэнтар бясьпекі.
У выніку інтэнсіўных ападкаў сьнегу ў Мазавецкім ваяводзтве 130 тысяч дамоў пазбаўлена электрычнасьці. Вялікія збоі ў пастаўках току адбыліся таксама ў Лодзінскім, Падляскім, Вармінска-Мазурскім, Сьвентакшыскім і Сылескім ваяводзтвах.
Па прагнозах, у пятніцу ў Польшчы - ападкі сьнегу і мокрага сьнегу, на паўночным захадзе - сьнег пяройдзе ў дождж. Без ападкаў, галоўным чынам на поўдні краіны. Максымальны тэмпэратурны дыяпазон складае ад 0 да 3 ° С, на ўзьбярэжжы ад 4 да 5 град., а ў падгорных раёнах лякальна -1 ° С.
Інстытут мэтэаралёгіі і кіраваньня воднымі рэсурсамі таксама папярэджвае пра складаныя дарожныя ўмовы ў дзесяці ваяводзтвах: Падкарпацкім, Малапольскім, Сылескім, Апольскім, Ніжнесылескім, Вялікапольскім, Лодзінскім, Сьвентакшыскім, Люблінскім і Мазавецкім разам з Варшавай.
яс