У Кіеве затрымалі Міхаіла Саакашвілі
PR dla Zagranicy
Valery Sauko
05.12.2017 10:19
Адвакат паведаміў, што Саакашвілі «падазраюць у садзейнічаньні зьвяржэньня дзяржаўнага рэжыму».
Міхаіл Саакашвілі на маніфэстацыі, кастрычнік 2017 г. PAP/EPA/SERGEY DOLZHENKO
Народны дэпутат Украіны Юрый Дзеравянка заявіў, што лідара партыі Рух новых сіл Міхаіла Саакашвілі затрымалі. Пра гэта ў аўторак, 5 сьнежня, паведамляе УНІАН.
«Мы атрымалі інфармацыю, што яго затрымалі. Яму ўручылі падазрэньне», – заявіў ён.
Адвакат Саакшавілі Руслан Чарналуцкі пацьвердзіў, што палітык затрыманы.
Паводле інфармацыі, атрыманай у праваахоўнікаў, палітыку маюць намер абраць меру стрыманьня.
«Ён затрыманы. Яго пасадзілі ў машыну й павезьлі. Рыхтуецца падазрэньне і ў далейшым будзе выбраная мера стрыманьня», – паведамілі ў праваахоўных органах.
Адвакат Павал Багамазаў паведаміў, што Саакашвілі «падазраюць у садзейнічаньні зьвяржэньня дзяржаўнага рэжыму».
Раней Міхаіл Саакашвілі пагражаў, што скокне з даху свайго дома. У яго кватэры праваахоўныя органы правялі вобшук.
корреспондент/вс