Logo Polskiego Radia
Print

Памёр былы кароль Румыніі Міхай I

PR dla Zagranicy
Valery Sauko 05.12.2017 19:12
За кантакты з румынскімі камуністамі й Савецкім Саюзам маладога манарха называлі «кароль-камсамолец».
Былы кароль Румыніі Міхай I, кастрычнік 2011 г.Былы кароль Румыніі Міхай I, кастрычнік 2011 г.PAP/EPA/BOGDAN CRISTEL

Былы кароль Румыніі Міхай I памёр у аўторак, 5 сьнежня, у сваёй швэйцарскай рэзыдэнцыі ва ўзросьце 96 гадоў. Пра гэта ў аўторак, 5 сьнежня, паведамляе агенцтва ТАСС са спасылкай на Каралеўскі дом Румыніі.

Адзначаецца, што ў сакавіку 2016 году ў былога манарха было дыягназаванае анкалягічнае захворваньне. Пасьля гэтага ён перанёс апэрацыю й пакінуў грамадзкае жыцьцё. Захавальнікам кароны стала яго старэйшая дачка Маргарэт.

У Міхая засталіся пяць дачок, пяць унукаў і трое праўнукаў і праўнучак.

У 1941 году Румынія ўступіла ў Другую сусьветную вайну на баку гітлераўскай Германіі. У 1944 годзе, калі савецкія войскі наблізіліся да румынскай мяжы, Міхай аб'яднаўся з антыфашысцкай апазыцыяй і абʼявіў вайну Нямеччыне.

Пазьней, у 1945 годзе, Іосіф Сталін узнагародзіў манарха прэстыжным ордэнам «Перамога». Такім чынам, ён быў адным зь пяці замежнікаў – кавалераў гэтага вышэйшага савецкага ваеннага ордэну. Да сёньняшняга дня Міхай І быў апошнім у жывы кавалераў згаданага ордэну.

За кантакты з румынскімі камуністамі й Савецкім Саюзам маладога манарха называлі «кароль-камсамолец».

У сьнежні 1947 гаду румынскі ўрад адмяніў у краіне манархію, і Міхай быў вымушаны эміграваць у Швэйцарыю. Зноў наведаць Румынію ён змог толькі ў 1992 годзе, у 1997-м яму было вернута румынскае грамадзянства.

вс

Print
Copyright © Polskie Radio S.A Пра нас Кантакт