У Польшчы створаны новы ўрад (ФОТА)

У Прэзыдэнцкім палацы ў Варшаве прэзыдэнт Анджэй Дуда ў афіцыйнай абстаноўцы ўручыў дакумэнты прызначэньня міністрам ураду Польшчы пад кіраўніцтвам прэм'ера Матэвуша Маравецкага.

Як паведамлялася, у чацьвер, 7 сьнежня, прэмʼер-міністар Польшчы Бэата Шыдла заявіла аб сваёй адстаўцы. Адначасова Палітычны камітэт кіруючай кансэрватыўна-каталіцкай партыі «Права й справядлівасьць» паведаміў, што высоўвае кандыдатуру віцэ-прэмʼера, міністра фінансаў і разьвіцьця Матэвуша Маравецкага на пасаду кіраўніка Кабінэту міністраў. У пятніцу, 8 сьнежня, прэзыдэнт Анджэй Дуда даручыў Маравецкаму стварэньне новага ўраду.

Склад ураду такі ж, як і Кабінэта міністраў пад кіраўніцтвам Бэаты Шыдла. Прэм’ер-міністар Маравецкі надалей будзе кіраваць Міністэрствам фінансаў і Міністэрствам разьвіцьця. Экс-прэм’ер Бэата Шыдла засталася ва ўрадзе й заняла пасаду намесьніка кіраўніка Кабінэту міністраў – яна стала так званым віцэ-прэм’ерам «без партфэля».

Паводле неафіцыйнай інфармацыі, канкрэтныя кадравыя зьмены польскі ўрад усё ж такі чакаюць. Як вынікае з добра паінфармаваных палітычных крыніц, гэта адбудзецца ў студзені наступнага году.

Згодна з польскімі законамі, адстаўка прэм’ер-міністра азначае адстаўку цэлага ўраду, і таму пры стварэньні новага Кабміну міністрам, якія працавалі ў папярэднім складзе ўраду, прэзыдэнт уручае прызначэньне.

вс

на фота прадстаўленыя толькі некаторыя члены ўраду Польшчы

Прэзыдэнт Анджэй Дуда (зьлева) й прэм'ер Матэвуш Маравецкі/PAP/Paweł Supernak

Прэзыдэнт Анджэй Дуда й віцэ-прэм'ер Бэата Шыдла/PAP/Paweł Supernak

Прэзыдэнт Анджэй Дуда (зьлева) і міністар нацыянальнай абароны Антоні Мацярэвіч/PAP/Paweł Supernak

Прэзыдэнт Анджэй Дуда й міністар лічбавых тэхналёгій Анна Стрэжыньска/PAP/Paweł Supernak

Прэзыдэнт Анджэй Дуда (зьлева) і міністар замежных справаў Вітальд Вашчыкоўскі/PAP/Paweł Supernak

Прэзыдэнт Анджэй Дуда (зьлева) і міністар аховы здароўя Канстанты Радзівіл/PAP/Paweł Supernak

Прэзыдэнт Анджэй Дуда й міністар нацыянальнай адукацыі Анна Залеўска/PAP/Radek Pietruszka