На Флёрыдзе ўпершыню з 1989 году выпаў сьнег

Статыстычна гэта найцяплейшы амэрыканскі штат. Сьнег у гэтым рэгіёне стаў вынікам сьнежнай буры і арктычных маразоў на ўсходнім узьбярэжжы Амэрыкі.

Сьнег выпаў у паўночнай частцы штату, між іншым, у сталіцы Флёрыды, Талахасі. Некаторыя наймалодшыя жыхары штату ўпершыню ў жыцьці пабачылі сьнег.

У гэтай частцы ЗША няма спэцыялістычнай тэхнікі для пасыпаньня дарог сольлю ці пяском. Дарогі былі вельмі сьлізкімі і таму прыйшлося часова зачыніць лякальныя аўтастрады. У паўднёвай частцы рэгіёну ўлады папярэджваюць пра прымаразкі. У крамах ужо некалькі дзён нельга купіць абагравальнікі. Многія дамы на поўдні Флёрыды ня маюць абаграваньня, а цяпер ноччу тэмпэратура сягае толькі некалькіх градусаў вышэй за нуль. У сувязі з гэтым адчыненыя абагравальні, зачыненыя амаль усе школы.

Такія атмасфэрныя ўмовы на Флёрыдзе – гэта рэдкасьць. Нізкая тэмпэратура некарысна ўплывае на мясцовыя плянтацыі цытрусаў і рыбалоўства.

ав