Праз год будзе запушчаны спадарожнік, распрацаваны польскімі студэнтамі
У 2019 годзе на арбіту будзе запушчаны спадарожнік, распрацаваны студэнтамі Кракаўскай горна-мэталюргічнай акадэміі й кракаўскага Ягелонскага ўнівэрсытэту. Паводле словаў маладых навукоўцаў, гэта будзе першы ў сьвеце спадарожнік, які выкарыстоўвае фэрамагнітную вадкасьць (фэрафлюід) для стабілізацыі пазыцыі касьмічнага апарату ў бязважкасьці.
Фэрафлюід – гэта вадкасьць з магнітнымі ўласьцівасьцямі, вынайдзеная ў 1960-х гадах навукоўцамі НАСА. Гэтая субстанцыя была распрацаваная для выкарыстаньня паліва ў стане бязважкасьці.
«Мы хочам праверыць, як фэрафлюід будзе паводзіць сябе ў космасе (...). Магчыма, за кошт гэтага мы зможам пашырыць нашы веды аб Сусьвеце й забясьпечыць больш эфэктыўнае дасьледаваньне космасу ў будучыні», – сказаў каардынатар праекту Ян Жычкоўскі.
Польскі спадарожнік запусьціць на арбіту амэрыканская кампанія Interorbital. Аб'ект будзе запушчаны ў космас на вышыню 310 км са стартавай пляцоўкі ў Каліфорніі. Пасьля запуску ён памерае тэмпэратуру, індуктыўнасьць магнітнага поля, інтэнсіўнасьць сьвятла й іншыя парамэтры.
У 2019 годзе на арбіту будзе запушчаны спадарожнік, распрацаваны студэнтамі Кракаўскай горна-мэталюргічнай акадэміі й кракаўскага Ягелонскага ўнівэрсытэту.
Паводле словаў маладых навукоўцаў, гэта будзе першы ў сьвеце спадарожнік, які выкарыстоўвае фэрамагнітную вадкасьць (фэрафлюід) для стабілізацыі пазыцыі касьмічнага апарату ў бязважкасьці.
Фэрафлюід – гэта вадкасьць з магнітнымі ўласьцівасьцямі, вынайдзеная ў 1960-х гадах навукоўцамі НАСА. Гэтая субстанцыя была распрацаваная для выкарыстаньня паліва ў стане бязважкасьці.
«Мы хочам праверыць, як фэрафлюід будзе паводзіць сябе ў космасе (...). Магчыма, за кошт гэтага мы зможам пашырыць нашы веды аб Сусьвеце й забясьпечыць больш эфэктыўнае дасьледаваньне космасу ў будучыні», – сказаў каардынатар праекту Ян Жычкоўскі.
Польскі спадарожнік запусьціць на арбіту амэрыканская кампанія Interorbital. Аб'ект будзе запушчаны ў космас на вышыню 310 км са стартавай пляцоўкі ў Каліфорніі.
Пасьля запуску ён памерае тэмпэратуру, індуктыўнасьць магнітнага поля, інтэнсіўнасьць сьвятла й іншыя парамэтры.
вс