На выбарчым участку міліцыя зьбіла апэратара «Белсату»
Як паведамляюць калегі Андруся Козела, інцыдэнт адбыўся на адным з выбарчых участкаў у Цэнтральным раёне сталіцы, дзе ён быў назіральнікам і вёў трансьляцыю ў Фэйсбуку.
Здарэньне адбылося на выбарчым участку №27, удакладняе сайт БАЖ. Андруся Козела затрымалі чацьвёра супрацоўнікаў міліцыі.
– Андрусь пасьпеў распавесьці, што міліцыянты зьбілі яго пры затрыманьні і яго галавой разьбілі шкляныя дзьверы на выбарчым участку, таму ўся галава аказалася расьсечанай да крыві.
Ён вёў стрым з выбарчага ўчастка. Міліцыянты паспрабавалі забараніць яму гэта рабіць, але Андрусь патлумачыў, што мае права здымаць. Тады яго схапілі і сілай выцягнулі з залі, разьбіўшы галавою дзьверы, – расказала Беларускай асацыяцыі журналістаў жонка Козела Вольга Чайчыц.
Вольга Чайчыц разам з калегамі прыехала ў Цэнтральны РУУС. Дзяжурныя паведамілі ёй, што на Андруся Козела складаюць пратакол за непадпарадкаваньне міліцыі.
Па словах Вольгі, людзі бачылі акрываўленага журналіста, калі яго заводзілі ў будынак міліцыі, аднак «хуткай дапамогі» там не было.
Бліжэй да 23:00 да журналістаў выйшаў супрацоўнік Цэнтральнага РУУСа, які не пацьвердзіў наяўнасьці пашкоджаньняў у затрыманага. Ён паведаміў, што Андрусь Козел дастаўлены ў ЦІП на Акрэсьціна, бо на яго складзены пратакол па артыкуле 23.4 КаАП (Непадпарадкаваньне законнаму распараджэньню ці патрабаваньню службовай асобы пры выкананьні ім службовых паўнамоцтваў). Гэты артыкул прадугледжвае пакараньне ў выглядзе штрафу ад двух да пяцідзесяці базавых велічынь або адміністратыўны арышт. Суд адбудзецца сёньня.
Як паведамляюць калегі Андруся Козела, інцыдэнт адбыўся на адным з выбарчых участкаў у Цэнтральным раёне сталіцы, дзе ён быў назіральнікам і вёў трансьляцыю ў Фэйсбуку.
Здарэньне адбылося на выбарчым участку №27, удакладняе сайт БАЖ. Андруся Козела затрымалі чацьвёра супрацоўнікаў міліцыі.
– Андрусь пасьпеў распавесьці, што міліцыянты зьбілі яго пры затрыманьні і яго галавой разьбілі шкляныя дзьверы на выбарчым участку, таму ўся галава аказалася расьсечанай да крыві.
Ён вёў стрым з выбарчага ўчастка. Міліцыянты паспрабавалі забараніць яму гэта рабіць, але Андрусь патлумачыў, што мае права здымаць. Тады яго схапілі і сілай выцягнулі з залі, разьбіўшы галавою дзьверы, – расказала Беларускай асацыяцыі журналістаў жонка Козела Вольга Чайчыц.
Вольга Чайчыц разам з калегамі прыехала ў Цэнтральны РУУС. Дзяжурныя паведамілі ёй, што на Андруся Козела складаюць пратакол за непадпарадкаваньне міліцыі.
Па словах Вольгі, людзі бачылі акрываўленага журналіста, калі яго заводзілі ў будынак міліцыі, аднак «хуткай дапамогі» там не было.
Бліжэй да 23:00 да журналістаў выйшаў супрацоўнік Цэнтральнага РУУСа, які не пацьвердзіў наяўнасьці пашкоджаньняў у затрыманага. Ён паведаміў, што Андрусь Козел дастаўлены ў ЦІП на Акрэсьціна, бо на яго складзены пратакол па артыкуле 23.4 КаАП (Непадпарадкаваньне законнаму распараджэньню ці патрабаваньню службовай асобы пры выкананьні ім службовых паўнамоцтваў). Гэты артыкул прадугледжвае пакараньне ў выглядзе штрафу ад двух да пяцідзесяці базавых велічынь або адміністратыўны арышт.
Суд адбудзецца сёньня.
БАЖ/ав