За сьмерць славацкага журналіста можа адказваць італьянская мафія

Канадзкі журналіст, які гадамі жыве ў Славакіі, Том Нікальсан расказаў СМІ, што за сьмерць Яна Куцяка можа адказваць італьянская мафія, зьвязаная са славацкімі палітыкамі.

Нагадаем, у Славакіі застрэлілі 27-гадовага журналіста Яна Куцяка й яго дзяўчыну. Куцяк быў сьмяротна паранены ў грудзі, яго дзяўчына памерла ад стрэлу ў галаву.

Том Нікальсан сьцьвярджае, што ён разам з забітым журналістам працавалі над тэмай прысваеньня на ўсходзе Славакіі эўрапейскіх сродкаў, якія пасьля траплялі ў Італію. Славацкія журналісты ўжо ня першы раз зьвяртаюць увагу на сувязі італьянцаў з мясцовымі палітыкамі.

Выказваньне канадца адрозьніваецца ад тэорыі часткі славацкіх СМІ, паводле якіх забойства можа быць зьвязана з прадпрымальнікам Мар’янам Кочнэрам, якім цікавілася паліцыя і СМІ, і пра якога пісаў забіты журналіст.

ав