Іран будуе ваенныя базы ў Сырыі

Тэлевізія Fox News апублікавала спадарожнікавыя здымкі, на якіх бачна нядаўна пабудаваныя іранскія ваенныя базы блізу сырыйскай сталіцы.

На фотаздымках можна ўбачыць, сярод іншага, ангары для захоўваньня ракет, якія могуць дасягнуць Ізраіля – паведаміў амэрыканскі канал.

Спадарожнікавыя здымкі журналістам перадала кампанія ImageSat International. Заходнія крыніцы перакананыя, што здымкі паказваюць новую іранскую базу, разьмешчаную на паўночны ўсход ад Дамаска. База належыць атраду Аль-Кудс. Гэта спэцыяльная апэрацыйная адзінка корпуса Іранскай рэвалюцыйнай гвардыі.

Камандаваньне ўзброеных сіл ЗША на Блізкім Усходзе занепакоенае. За апошнія пяць гадоў Іран стварыў сетку баевікоў у Емэне. На арганізацыю падобных структур у Ліване ў мінулым іранцам спатрэбілася каля 20 гадоў.

Цяпер Тэгеран замацоўвае сваю вайсковую прысутнасьць у Сырыі.

ПР/юл