У Кіеве 10 чалавек атрымалі раненьні і 50 былі затрыманыя

У Кіеве дзесяць чалавек атрымалі раненьні і, па меншай меры, 50 былі затрыманыя пасьля сутыкненьняў паміж паліцыяй і дэманстрантамі з намётавага мястэчка перад будынкам украінскага парлямэнта. Дзясяткі прыхільнікаў грузінскага прэзыдэнта і былога губэрнатара Адэсы Міхаіла Саакашвілі, з кастрычніка дамагаюцца адстаўкі прэзыдэнта Пятра Парашэнкі.

Кіеўская паліцыя паведаміла, што пацярпелі чатыры супрацоўнікі, а шасьцярых дэманстрантаў мелі патрэбу ў мэдыцынскай дапамозе.

Паліцыя арыштавала пяцьдзесят чалавек, якія аказвалі супраціў. Паліцыя паведамляе, што яна правяла акцыю ў намётавым мястэчку ў рамках расьсьледаваньня інцыдэнтаў з удзелам пратэстуючых.

Міхаіл Саакашвілі, былы прыхільнік Парашэнкі, стаў адным з яго найбольшых ворагаў. Абвінаваціў прэзыдэнта Ўкраіны ў падтрымцы карупцыі.

У сваю чаргу ўлады ў Кіеве абвінавацілі экс-прэзыдэнт Грузіі ў спробе дэстабілізацыі сытуацыі ва Ўкраіне. Саакашвілі, які знаходзіцца ў выгнаньні ва Ўкраіне, у лютым быў дэпартаваны ў Польшчу. У цяперашні час ён знаходзіцца ў Нідэрляндах.

яс