Мінабароны павінна перагледзець закон аб паніжэньні ў званьні вайскоўцаў

Міністэрства нацыянальнай абароны павінна працягнyць працу над законам аб паніжэньні ў званьні вайскоўцаў – лічыць кіраўнік Канцылярыі рэм’ер-міністра Міхал Дворчык. На мінулым тыдні прэзыдэнт А.Дуда наклаў вэта на гэты закон.

Міністэрства Абароны падрыхтавала дадзены закон у той час, калі Міхал Дворчык займаў пасаду намесьніка міністра абароны.

Прэзыдэнт не падтрымлівае пазбаўленьня ваеннага рангу ўсіх чальцоў Ваеннай рады нацыянальнага выратаваньня (Wojskowa Rada Ocalenia Narodowego), якая ўводзіла ваеннае становішча ў Польшчы ў 1981 годзе.

Міхал Дворчык у эфіры Польскага радыё казаў сёньня, што прэзыдэнт зьдзівіў сваім рашэньнем, таму што раней ён не ўносіў ніякіх заўваг на паасобных этапах працы над законапраектам.

Прэзыдэнт адмовіўся падпісаць закон аб пазбаўленьні ваеннага званьня афіцэраў і унтэр-афіцэраў, тых, хто, знаходзячыся ў органах дзяржаўнай бясьпекі, дзейнічаў на карысьць замацоўваньня камуністычнага рэжыму і на шкоду польскай дзяржавы.

яс