Міністры абароны ЭЗ сустракаюцца ў Баўгарыі
PR dla Zagranicy
Jury Lichtarowicz
05.05.2018 12:28
Нефармальны саміт прысьвечаны эўрапейскім апэрацыям крызыснага рэагаваньня.
Foto: eu2018bg.bg
У баўгарскай сталіцы Сафіі праходзіць нефармальны саміт міністраў абароны Эўрапейскага Зьвязу.
Галоўнай тэмай саміту стала справа будучай формы Сталага структурнага супрацоўніцтва ЭЗ (Pesco), эўрапейскіх апэрацыі крызыснага рэгуляваньня, а таксама рэалізацыя задач Эўрапейскага абароннага агенцтва (EDA).
Пасяджэньне прайшло пад старшынствам кіраўніка зьнешнепалітычнага ведамства ЭЗ Фэдэрыкі Магерыні.
У сустрэчы ўдзельнічаў міністар абароны Польшчы Марыюш Блашчак. У Сафіі польскі міністар сустрэўся з міністрам узброеных сілаў Францыі Флярэнсам Парлі, намесьнікам Генэральнага сакратара па справах падтрыманьня міру Жан-Піерам Лякруа і міністрам абароны Баўгарыі Красімірам Каракачанавым.
Сустрэчы прайшлі ў фармаце двухбаковых перамоў.
ПР/юл