Беларусь заклікала ЭЗ адменіць накладзеныя супраць яе абмежавальныя меры

Пра гэта заявіў міністар замежных спраў Беларусі Ўладзімір Макей на сустрэчы з амбасадарамі па асобых даручэньнях краін – чальцоў ЭЗ па справах «Усходняга партнэрства», перадае карэспандэнт БЕЛТА.

«Мы шкадуем, што ў лютым Эўразьвяз прадоўжыў абмежавальныя меры ў дачыненьні да Беларусі, якія ўжо даўно страцілі якое-небудзь рацыянальнае тлумачэньне. У сувязі з гэтым мы працягваем заклікаць Эўразьвяз зьняць абмежавальныя меры», – сказаў міністар.

Уладзімір Макей падкрэсьліў, што пазытыўнае супрацоўніцтва за апошнія некалькі гадоў прынесла значна больш станоўчых вынікаў, чым папярэднія два дзесяцігодзьдзі санкцый. У якасьці кроку па зьняцьці абмежавальных мер ён адзначыў выключэньне спартыўнай зброі са зброевага эмбарга. Кіраўнік МЗС таксама вітаў намеры ЭЗ пашыраць адносіны з Беларусьсю і паставіць іх на структураваную аснову.

ав