На Польшчу абрынуліся моцныя буры і навальніцы

Амаль 350 выездаў за апошнія суткі ажыцьцявілі польскія экстраныя службы, ратавальнікі ліквідуюць наступствы прыроднага катаклізму.

Большасьць надзвычайных сытуацый адбылася на захадзе і поўдні Польшчы, а менавіта ў рэгіёнах: Ніжняя Сылезія, Апольскае Ваяводзтва, Памеранія і Вялікапольшча. Таксама залевы закранулі і тэрыторыю Нямеччыны.

«Экстраныя выезды нашай службы, з большага, былі зьвязаныя з адчысткай дарог ад паламаных дрэў і галінаў, а таксама з адпампоўкай падтопленых сутарэньняў.», – паведаміў прэс-сакратар Дзяржаўнай пажарнай службы Польшчы старшыня брыгады Павал Фронтчак.

Павышаны ўзровень небясьпекі будзе дзейнічаць да заўтрашняга дня, паведамілі ў ведамстве.

эж