У Бэльгіі й Румыніі адключыліся рэактары на АЭС
PR dla Zagranicy
Valery Sauko
24.07.2018 10:58
У адзін дзень у розных эўрапейскіх краінах адбылося адключэньне рэактараў АЭС ад энэргасетак краіны.
Бэльгійская атамная электрастанцыя «Ціанж» (Tihange)commons.wikimedia.org/Hullie/CC BY-SA 3.0
У адзін дзень у розных краінах Эўропы адбылося адключэньне рэактараў АЭС ад энэргасетак краіны.
У Бэльгіі на АЭС «Ціанж» (Tihange) з-за электрамэханічнай паломкі адбылася экстранае спыненьне другога рэактара.
Як адзначаецца, аварыя не нясе пагроз жыхарам краіны й навакольнаму асяродзьдзю. Паводле кампэтэнтных службаў, аварыя тычыцца няядзернымі часткі, таму няма неабходнасьці непакоіцца.
Так, непаладкі адбыліся з-за праблем з падключэньнем да высакавольтнай сеткі. Пакуль у кампаніі ня могуць назваць тэрміны перазапуску рэактара магутнасьцю ў 1008 МВт.
У гэты ж дзень адбылося аўтаматычнае адключэньне ад Нацыянальнай энэргетычнай сыстэмы першага рэактара румынскай атамнай электрастанцыі ў горадзе Чэрнаводэ.
Паводле кіраўніцтва румынскага канцэрна, які адказвае за выкарыстаньне атамнай энэргіі, раптоўнае аўтаматычнае адключэньне рэактара ніяк не паўплывала на насельніцтва, пэрсанал станцыі й навакольнае асяродзьдзе.
Паводле папярэдніх дадзеных, адключэньне рэактара адбылося з-за ілжывага сыгналу, які паступіў ад турбіннай сыстэмы.
Спэцыялісты працуюць над ліквідацыяй прычыны непаладкі, каб падключыць рэактар да Нацыянальнай энэргасыстэмы.
паводле корреспондент/вс