Два польскія ўнівэрсытэты ўключаныя ў сьпіс лепшых ВНУ сьвету
PR dla Zagranicy
Jolanta Śmiałowska
17.08.2018 08:23
У другой пяцісотцы - ўсе вядучыя польскія ВНУ.
Уваход у галоўны кампус Варшаўскага ўнівэрсытэтаPixabay/Kamyq/Public Domain
Два польскія ўнівэрсытэты ўключаныя ў сьпіс 500 лепшых ВНУ сьвету – у гэтак званы шанхайскі рэйтынг.
Варшаўскі ўнівэрсытэт апынуўся ў чацьвёртай сотцы ды Ягелонскі ўнівэрсытэт – у пятай. Тыя ж вынікі былі дасягнуты польскімі ўнівэрсытэтамі і ў мінулым годзе.
Лепшым у сьвеце ВНУ прызнаны Гарвардзкі ўнівэрсытэт. Другое месца заняў Стэнфард, а трэцяе – Кэмбрыдж. Гэтыя вынікі таксама супадаюць з вынікамі мінулага года.
Акрамя таго, у чарговых пяцісот лепшых унівэрсытэтаў сьвету зьмешчаны такія польскія ВНУ, як Навукова-тэхнічны ўнівэрсытэт AGH (горнай справы і мэталюргіі) у Кракаве, Унівэрсытэт імя Адама Міцкевіча ў Познані, Варшаўскі мэдыцынскі ўнівэрсытэт, Варшаўскі палітэхнічны ўнівэрсытэт, Сілескі мэдыцынскі ўнівэрсытэт у Катавіцах, Лодзінскі тэхнічны ўнівэрсытэт, Унівэрсытэт Мікалая Капэрніка ў Торуні, Лодзінскі ўнівэрсытэт, Вроцлаўскі ўнівэрсытэт і Вроцлаўскі тэхналягічны ўнівэрсытэт.
яс