Варшава: Кампанія «Энтэральнае харчаваньне – твая ежа супраць хваробы»
PR dla Zagranicy
Jolanta Śmiałowska
31.08.2018 09:16
Гэтая працэдура скарачае працягласьць шпіталізацыі і паскарае выздараўленьне.
Zdjęcie ilustracyjnepexels/pixabay.com/CC0 License
Экспэрты адзначаюць, што энтэральнае харчаваньне зьяўляецца часткай лячэньня.
Гэтая працэдура паляпшае прагноз пацыента, скарачае працягласьць шпіталізацыі і паскарае выздараўленьне. Аднак жа ў Польшчы мала хто выкарыстоўвае гэты від харчаваньня.
Паводле ацэнак, энтэральнае харчаваньне ў хатніх умовах у Польшчы выкарыстоўвае каля 6 тысяч пацыентаў.
На думку экспэртаў, гэты лік будзе расьці ў бліжэйшыя гады, так як гэта прыносіць фінансавыя выгады, а таксама паляпшэньне якасьці жыцьця. Затым пацыенты шпіталізуюцца радзей: 40 працэнтаў – у выпадку дзяцей і 30 працэнтаў – у выпадку дарослых.
Прафэсар Януш Ксёнжык (Książyk) з Дзіцячага цэнтра здароўя ў Варшаве падкрэсьліў, што ўсе дзеці, якія маюць патрэбу ў мэдыцынскім харчаваньні, яго атрымаюць.
Я. Ксёнжык: Найбольшую групу складаюць дзеці з нэўралягічнымі захворваньнямі. Гэта вынік прагрэсу ў мэдыцынскіх навуках, бо такім чынам можна ўратаваць бальшыню дзяцей, якія нарадзіліся заўчасна, або з генэтычнымі пашкоджаньнямі. Некаторым дзецям энтэральнае харчаваньне патрэбнае ад самага пачатку жыцьця, іншым пазьней. Лячэньне адбываецца дома і гэтых дзяцей ня трэба шпіталізаваць.
У выпадку дарослых сытуацыя больш складаная, расказвае доктар Пётр Вуйцік са шпіталя ў горадзе Кросна.
П.Вуйцік: Шмат залежыць, ад таго, у якім ваяводзтве знаходзіцца пацыент, і ад магчымасьцяў бальніцы, фінансаванай дзяржавай НФЗ. У некаторых ваяводзтвах гэтая паслуга абмяжоўваецца фінансамі і тады паўстаюць чэргі. Пацыенты вымушаныя чакаць сваёй чаргі, таму што сума фінансаваньня ў дадзеным ваяводзтве вычарпалася.
У Варшаве ў чарговы раз праводзіцца кампанія «Энтэральнае харчаваньне – твая ежа супраць хваробы».
яс