Папа Францішак 22 верасьня наведае Вільню

Стала вядома праграма візыту Папы Францішка ў краіны Балтыі. Падрабязнасьці паведаміў мітрапаліт Віленскі арцыбіскуп Гінтарас Грушас.

22 верасьня Папа Францішак адправіцца ў Літву.

У пачатку візыту ён сустрэнецца ў Прэзыдэнцкім палацы зь літоўскім лідарам Далёй Грыбаўскайце. Затым выступіць на плошчы перад палацам.

А 16.30 Францішак будзе маліцца ў Вострай браме, а праз гадзіну сустрэнецца з моладзьдзю на Катэдральнай плошчы.

23 верасьня а 10.00 Папа Францішак адслужыць сьвятую імшу ў Каўнасе.

24 верасьня Папа адправіцца ў Рыгу, дзе сустрэнецца з уладамі Латвіі і адслужыць сьвятую імшу ў касьцёле Божай Маці ў Аглуоне ў Латгаліі.

Празь дзень Папа наведае Эстонію, дзе ў дадатак да сустрэч зь лідарамі краіны адслужыць імшу на плошчы Свабоды ў Таліне.

Папа вернецца ў Рым са сталіцы Эстоніі.

Арганізатары адзначаюць, што на ўсе сустрэчы з Папам вернікам трэба прыбыць як мінімум за гадзіну да іх пачатку.

У Вільні і Каўнасе сустрэча са Сьвятым Айцом будзе трансьлявацца на экранах, устаноўленых на вуліцах і плошчах. Папа ў Літве, Латвіі і Эстоніі будзе знаходзіцца з 22 да 25 верасьня.

Сёлета прайшло 25 гадоў з пачатку паломніцтва Папы Яна Паўла II у краіны Балтыі.

IAR/вк