Рух „За Свабоду” атрымаў статус назіральніка ў ЭНП

Рух „За Свабоду” атрымаў статус назіральніка пры Эўрапейскай народнай партыі, паведаміла прэс-служба Аб'яднанай грамадзянскай партыі.

Дэлегацыя прадстаўнікоў беларускай апазыцыйнай правацэнтрысцкай кааліцыі (у яе ўваходзяць „За Свабоду”, АГП і аргкамітэт па стварэньні партыі „Беларуская хрысьціянская дэмакратыя”) узяла ўдзел у зьездзе палітычнай асамблеі ЭНП у будынку парлямента Фінляндыі ў Хельсінкі.

Сябрамі ЕНП зьяўляюцца больш за дзесяць кіраўнікоў урадаў краін — членаў Эўрапейскага Зьвязу. Яна ўтварае найбуйнейшую фракцыю Эўрапарлямэнта.

belapan.by/аз