У Вялікабрытаніі ёсьць новы міністар па справах брэксіту

Ім стаў віцэ-міністар аховы здароўя Стывен Барклай. Ён будзе адказваць за завяршэньне працэсу выйсьця Вялікабрытаніі з Эўразьвязу.

Стывену Барклаю 46 гадоў, да гэтага часу ён быў мала вядомым палітыкам, які быў чальцом Палаты абшчын з 2010 году, а са студзеня быў віцэ-міністрам аховы здароўя і сацыяльнай апекі.

Вузкая спэцыялізацыя новага міністра сьведчыць аб тым, што вырашальную ролю ў перамовах з Эўразьвязам будзе адыгрываць непасрэдна Тэрэза Мэй, а Барклай будзе адказваць за каардынацыю тэхнічнай падрыхтоўкі да брэксіту – паведамляе Польскае прэс-агенцтва.

ав