Дональд Трамп адмяніў сустрэчу з Пуціным у Буэнас-Айрэсе
PR dla Zagranicy
Anna Zadrożna
30.11.2018 10:02
Амэрыканскі прэзыдэнт паясьніў, што гэткае рашэньне ён прыняў пасьля інцыдэнту ў Керчанскім праліве.
Прэзыдэнт ЗША Дональд Трампpixabay.com/Public Domain CC0
Прэзыдэнт ЗША заявіў у чацьвер, што адмяняе сустрэчу зь лідарам Расеі Ўладзімірам Пуціным. Сустрэча плянавалася на палях саміту „Вялікай дваццаткі” (G20) у Буэнас-Айрэсе. Дональд Трамп паясьніў, што гэткае рашэньне ён прыняў пасьля інцыдэнту ў Керчанскім праліве.
„У сувязі з тым, што захопленыя Расеяй украінскія караблі не былі вернутыя, а затрыманыя маракі вызваленыя, а вырашыў, што найлепш будзе адмяніць плянаваную раней сустрэчу з прэзыдэнтам Уладзімірам Пуціным у Аргентыне”, - напісаў Трамп на сваёй старонцы ў Твітэры.
Адначасова ён дадаў, што чакае чарговага саміту пасьля таго, як сытуацыя будзе вырашаная.
Нагадаем, у нядзелю ў Керчанскім праліве Расея абстраляла й захапіла тры ўкраінскія ваенныя караблі.
Расейскі бок абвінаваціў 24 украінскіх жаўнераў у незаконным перасячэньні дзяржаўнай мяжу Расеі.
аз