Logo Polskiego Radia
Print

Ад мароза ў Польшчы памерлі 4 асобы

PR dla Zagranicy
Jury Lichtarowicz 20.01.2019 12:13
Урадавы цэнтар бясьпекі выдаў папярэджаньне.
Foto: pixabay.com/CC0

За апошнія суткі ў Польшчы ад пераахаладжэньня памерлі 4 чалавекі. Адзін у Вармінска-Мазурскім ваяводзтве, два ў Падкарпацкім, і адзін у Паморскім.

Бажэна Высоцка з Урадавага цэнтра па бясьпецы заклікала палякаў не пакідаць без дапамогі патрабуючых асобаў, цёпла апранацца, не сагравацца алькаголем, паколькі ён спрыяе астуджэньню цела. Гэтай зімой, гэта значыць з 1 лістапада мінулага года, з-за пераахаладжэньня памерла 59 чалавек.

Цэнтар таксама папярэджвае пра надыходзячую хвалю маразоў у Польшчы, асабліва ў Сылескім і Малапольскім ваяводзтвах. Паводле дадзеных мэтэаролягаў, тэмпэратура можа апусьціцца да мінус 15 градусаў.

Ратавальнікі Горнай выратавальнай службы папярэдзілі, што гарах цяпер экстрэмальныя ўмовы, абвешчана трывога з-за магчымага сходу лявін. Чатыры гадзіны доўжылася ўчора ратавальная акцыя ў раёне Кацерскага перавалу па спуску турысткі, якая згубілася ў гарах ды не магла сама сысьці ўніз з-за двухмэтровых сумётаў.

ПР/юл

Print
Copyright © Polskie Radio S.A Пра нас Кантакт