У палякаў зьменшылася нэгатыўнае стаўленьне да беларусаў
PR dla Zagranicy
Viktar Korbut
09.02.2019 09:03
Беларусам сымпатызуе 31% палякаў.
Ілюстрацыйнае фотаФота: pixabay.com
Польскі фонд «Цэнтар вывучэньня грамадзкай думкі» 10-17 студзеня 2019 года правёў сацыялягічнае дасьледаваньне — апытаў 928 дарослых жыхароў краіны аб іх стаўленьні да іншых краін і народаў.
Беларусам, украінцам, габрэям і кітайцам сымпатызуюць па 31% рэспандэнтаў.
Адмоўна да беларусаў ставяцца 27%, да кітайцаў — 28%, да габрэяў — 33%, да ўкраінцаў — 41%
Пазытыўнае стаўленьне да расейцаў выказалі 28% апытаных, адмоўнае — 43%.
Апытаньне паказвае, што палякі адчуваюць найбольшую сымпатыю да чэхаў (56%), італьянцаў (55%), славакаў і вугорцаў (53%), амэрыканцаў (51%).
Палова палякаў добразычліва адгукаецца аб ангельцах, аб харватах — 47%, пра ірляндцаў — 46%.
У параўнаньні зь леташнім аналягічным апытаньнем вырасла колькасьць рэспандэнтаў, якія сымпатызуюць чэхам, славакам, беларусам, расейцам, вугорцам і італьянцам.
Працэнт рэспандэнтаў, якія заяўляюць аб нэгатыўным стаўленьні да расейцаў і беларусаў, значна зьнізіўся, — адзначаюць у фондзе «Цэнтар вывучэньня грамадзкай думкі».
PAP/вк