Польскім настаўнікам павысілі заробкі

Міністар нацыянальнай адукацыі Польшчы Анна Залеўская падпісала пастанову аб павелічэньні заработнай платы настаўнікаў. Зьменены мінімальныя стаўкі базавага ўзнагароджаньня.

Органы мясцовага самакіраваньня змогуць пачаць плаціць настаўнікам большы заробак з кампэнсацыяй са студзеня гэтага года.

«Высока ацэньваючы асаблівую ролю і адказнасьць настаўнікаў, мы прымаем шэраг мер па ўмацаваньні прэстыжу гэтай прафэсіі», — заяўляюць у Міністэрстве нацыянальнай адукацыі Польшчы.

Закон аб бюджэце з 1 студзеня 2019 года прадугледжвае павелічэньне сярэдняй заработнай платы настаўнікаў на 5%. Такім чынам, з пачатку гэтага года базавая заработная плата настаўніка з самай высокай кваліфікацыяй складзе 2538 злотых (590 эўра) — для стажора, 3483 злотых (810 эўра) — для сэртыфікаванага пэдагога.

IAR/вк